Mayroon nang mahigit kalahating milyong views ang Facebook video na makikita ang biglang pagsipa ni Kiko Matos kay Baron Geisler habang kasama nila ang ilang opisyal na mamahala sa kanilang sagupaan sa URCC.
Mapapanood sa video na naka-upload sa account ni Robinstone Rodriguez Morales, na nilapitan at niyakap ni Baron si Kiko na tila may ibinubulong.
Hindi nagtagal, biglang itinulak at sinipa ni Kiko si Baron na tinamaan sa sikmura.
Kaagad naman na napaghiwalay ang dalawa at hindi na nasundan ang naturang komosyon.
Tinawanan lang ni Baron ang insidente, at hindi nabanggit kung kailan nangyari.
Maghaharap ang dalawa bilang exhibition match sa URCC sa June 25.
Sa isang bar unang nagkaharap ang dalawa noong nakaraang buwan kung saan nakunan din sa video ang pagsuntok ni Kiko kay Baron.
0 (mga) komento:
Mag-post ng isang Komento